بابەتی هەفتانە
لە پێناوی ڕزگارکردنی پێکەنیندا
بەختیار عەلی |
دوو ڕستەی کانتم لە پێشدەمدایە کە هەردووکیان لە
دوو سەرتیتلی کتێبێکی مانفرید گایەرەوە وەردەگرم، هەردووکیان بەجۆرێک لە
جۆرەکان پەیوەندیان بە پێکەنینەوە هەیە. من وەک نوسەرێکی تراژیدی کە
کتێبەکانم زۆربەیان پڕن لە غەمی زۆر هەمیشە حەزمکردوە نوسەرێکی کۆمیدی بم.
ڕاستە هەمیشە شتێک لە کۆمیدیا لە ڕۆمان و نوسینەکانی مندا هەبووە و هەیە،
بەڵام لەوجۆرە کۆمیدیایانەیە کە بە چەشنێک بوون بە ژێر تراژیدیاوە مرۆڤ
نایانناسێتەوە. کە کۆشکی باڵندە غەمگینەکانم نوسی، خەیاڵم بوو ڕۆمانێکی
کۆمیدی بنوسم. خودی بیرۆکەی ڕۆمانەکە، بیرۆکەیەکی کۆمیدی بوو، کیژێک کە سێ
داواکاری هەیە و هەر سێکیان بە دونیادا پەرتەوازە دەکات تا باڵندەی بۆ
بگرن، گەر ئەم بیرۆکەیە بەدەست شانۆنوسێکی وەک مۆلێرەوە بایە بە دڵنیاییەوە
کۆمیدیایەکی قەشەنگی لێدروستدەکرد. خودی ئەم بیرۆکە کۆمیدییە لەو فەزا
مێژوویی و سیاسییەی کە ڕوداوەکانی دیکەی ڕۆمانەکەی تێدا ڕوودەدات بۆتە
بیرۆکەیەکی تراژیدی . لەساڵانی ڕابوردوودا، سەروەختێک کە تراژیدیاکانی
مرۆڤی کورد زۆر گەورە و بێسنوور بوون، مرۆڤی ئێمە گەشەی بە توانایەکی
گەورەدا بۆ گۆڕینی هەموو کارەسات و هەموو تراژیدیایەک بۆ بابەتی نوکتە و
پێکەنین...
زیاتر
بخوێنهوه...
٧-٢-٢٠١٠
|
| |
لەچەند ڕۆژی داهاتودا چاپی چوارەمی ڕۆمانی
دواهەمین هەناری دونیا
دەکەوێتە بازاڕەوە |
٦-٢-٢٠١٠
|
| |
بەیۆتۆپیاکردنى بەهەشت
لە "مارشێکى تر بەرەو بەهەشت" ى
بەختیار عەلى.!!
داناعەسکەر |
لەنێوان دوو دەق و توخمى جیاوازدا، دوو خوێندنەوەى
زانستى هاوبەش دەخوڵقا، یەکەم.. خوێندنەوەیەکى هاوبەش لەنێوان وەهم و
بووندا، دووەم : بۆ راستکردنەوەى وەهم و ئەگەرەکانى دوو دڵیى، مێژوویەکى
ترو شوێنێکى ترو.. زەمەنێکى جودا لەوەى لەزهنو.. باگراوندى ئێمەدا هەیە،
دەخاتەڕوو.
بۆئەوەى راستى ئەم دوو تێکستە بخەینەڕوو، دەبا بەمێژووى ئەو توخمەدا
بچینەوەو.. بزانین کاریگەریى و بەرهەمى ئەو پێگەیە لەلاى ئینسانەکاندا
تاچەند رەنگى داوەتەوە، بۆئەوەى لەزیندوویى ئەو شێوە ژیانە بکۆڵینەوە، دەبا
سەرەتا خەون وەک راستییەکى رەها بخەینەڕوو، خەون ئەو دەقە وەهمەیە کەئینسان
لەکاتى نەستدا تیایدا لەدەرەوەى ئاگایى ژیان دەگوزەرێنا و لەشوێنو زەمەنو
پێگەیەکى دیارى کراودا لەدەرەوەى ئیرادەى ئەودایە، زۆرجار ئەو خەونە بنەماو
بیرەوەرى و.. مێژوویەکى دیاریکراوى نیە.
کەواتا دەتوانین بڵێین خەونو.. بەشێکى ترى لەو پێکهاتەیەی لەدەرەوەى
ژیانو.. واقعى ئێمەدا بوونیان ،هەیە جگە لەخەونو تێکستێکى وەهمى هیچى تر
نیە، رەنگە زۆرجار دەست بردن بۆ زەمەنو شوێنێک لەدەرەوەى ئیرادەى
مرۆڤەکاندا بەگوناه لەقەڵەم بدرێت، بۆ نموونە بەهەشت ئەو پێگە نەبینراوەیە
کەخودا بەمرۆڤە ئیماندارەکانى بەخشیوە، بۆیە دەست بردن بۆ بەهەشت لاى
کەسانى دۆگما، دەست بردنە بۆ کارى خودا.
ئەدۆنیس دەڵێ.. "لەقورئاندا هاتووە کەخودا گوێى بۆ یەکەمین دوژمنى خۆى گرت
ئەویش شەیتان بوو".
دیسان ئەدۆنیس دەڵێ.. "من لەو بڕوایەدام کەخودا دەیتوانى لەشەیتان بدات،
بەڵام گوێى لێگرت".
زیاتر
بخوێنهوه...
٢٠-١-٢٠١٠
|
| |
